Domaini Shqiptar është .AL dhe është domaini i nivelit të lartë me kod shteti (ccTLD) për Shqipërinë. Ai administrohet nga Autoriteti i Komunikimeve Elektronike dhe Postale të Shqipërisë (AKEP). AKEP rekomandon që regjistrimet e domainit .al të kryhen pranë një prej regjistruesve të akredituar nga AKEP.

Kush mund të regjistrojë një Domain Shqiptar?

Regjistrimi i domainave .AL u lejohet personave fizikë dhe juridikë, shqiptarë dhe të huaj, pa pasur nevojë për prani lokale.

Domainat e nivelit të dytë (.COM.AL, .NET.AL, .ORG.AL ose .EDU.AL) kërkojnë prani lokale.

Emrat e domainave duhet të jenë midis 2 dhe 63 karaktereve. Megjithëse gjuha shqipe përmban disa karaktere speciale, regjistri nuk ka mundësuar përdorimin e karaktereve IDN.

Kujdes! Deklarimi i të dhënave të rreme ose paraqitja e dokumenteve të falsifikuara për regjistrim, përbëjnë krim falsifikimi dhe/ose përdorimi të dokumenteve të falsifikuara, sipas neneve 186, 189 ose 191 të Kodit Penal të Republikës së Shqipërisë.

Vendosja e domainit për përdorim:

Duke pranuar këto kushte, aplikanti pajtohet që në rast se nuk e vë në përdorim domainin për një periudhë prej 1 (një) viti nga data e regjistrimit/rinovimit, atëherë domeni do të lihet i lirë për t’u blerë nga regjistrues të tjerë.

Markat Tregtare dhe Patentat:

Aplikanti duhet të konsultohet me faqen zyrtare të Drejtorisë së Përgjithshme të Mbrojtjes së Pronësive Industriale për të parë nëse domeni që do të regjistrojë nuk është një “Markë Tregtare” e listuar në faqen zyrtare të DPPI. Nëse domeni i përket një marke tregtare të një pale të tretë, atëherë aplikanti pajtohet ta lirojë/heqë dorë nga ky domain brenda 30 ditëve nga njoftimi, duke humbur çdo e drejtë ankimimi ose pretendim për kompensim, nëse i njëjti emër domeni kërkohet ose duhet të jetë në pronësi të pronarit ligjor të markës tregtare/patentes/dizajnit industrial.

Aplikanti i domainit duhet të sigurojë informacion të saktë kontakti dhe një identifikues unik (p.sh., regjistrimi i biznesit për kompanitë, identifikuesi personal për individët). Nëse jepen të dhëna të pasakta, regjistrimi i domainit do të refuzohet nga Regjistri.

Numri personal i identifikimit, i cili gjendet në kartën e identitetit ose pasaportën e regjistruesit, duhet të jetë i saktë dhe duhet të korrespondojë me shtetin e specifikuar nga aplikanti në fushën “Shteti”.

Adresa e aplikantit duhet të jetë e saktë dhe plotësisht e detajuar, duke përmban: Emrin/numrin e rrugës, Emrin/numrin e ndërtesës, Numrin e hyrjes, Katın, numrin e apartamentit ose detaje të tjera nëse janë të disponueshme. Mos dhënia e adresës së plotë do të rezultojë në refuzimin e regjistrimit të domainit nga Regjistri. Fusha e adresës nuk duhet të përmbajë karaktere speciale. Lejohen vetëm shkronja, numra dhe presje.

Kodi Postar (ZIP) nuk duhet të përmbajë hapësira boshe.

Numri Telefon/Celular i dhënë nga aplikanti duhet të jetë i saktë dhe duhet të korrespondojë me shtetin që regjistruesi ka specifikuar në fushën “Shteti”.

Domeni që po kërkoni nuk duhet të jetë pjesë e emrave të ndaluar ose në emrat e rezervuar të domaineve.

}